შინაგანი მედიცინის ქართული აკადემია

შინაგანი მედიცინის ქართული აკადემია (GAIM) არის ორგანიზაცია, რომელიც მიზნად ისახავს შინაგანი მედიცინის და მისი ყველა ქვეგანხრის რეზიდენტების, ექიმების და სხვა რგოლის წარმომადგენლების მხარდაჭერას საქართველოში. ჩვენი მიზანია სამედიცინო საზოგადოების გაძლიერება მტკიცებულებებზე დაფუძნებული აკადემიური მასალებისა და ცოდნის გაზიარებით, კლინიკური შემთხვევების და სიახლეების რეგულარული განხილვებით. ასევე, კომუნიკაციის გაძლიერება საქართველოში და საზღვარგარეთ მომუშავე სპეციალისტებს შორის.

GAIM-ის ერთ-ერთ მთავარ სამიზნეს წარმოადგენს რეზიდენტების ხელშეწყობა. გვესმის, რომ რეზიდენტები არიან ქვეყნის ჯანდაცვის სისტემის შეუცვლელი და მნიშვნელოვანი რგოლი, ისინი უდიდეს ძალისხმევას დებენ სწავლასა და მუშაობაში და ხშირად აკეთებენ ამას რთულ პირობებში. GAIM-ის მისიაა ამ ძალისხმევის დამატებითი მხარდაჭერა – ისეთი სივრცის შექმნით, რომელიც ხელს უწყობს პროფესიულ ზრდას, აკადემიურ განვითარებასა და კოლეგებთან თანამშრომლობას.

პროექტები, როგორიცაა დღის მოხსენება (ამერიკული morning report-ის ტიპის ინტერაქციული კონფერენცია), ტესტირება და წარმატებული რეზიდენტების მხარდაჭერა, ემსახურება იმას, რომ სარეზიდენტო წლები უფრო მდგრადი და სასარგებლო გამოცდილება გახდეს და რეზიდენტის განათლებისა და ცხოვრების ხარისხი ამაღლდეს.

მტკიცედ გვჯერა, რომ ექიმს, რეზიდენტსა და მედიცინის ყველა რგოლის წარმომადგენელს უნდა ჰქონდეს ღირსეული სამუშაო პირობები, დაფასება და კოლეგიალური, პროფესიული გარემო, სადაც შეძლებს პოტენციალის სრულად გამოვლენას და მოსახლეობის ცხოვრების ხარისხის გაუმჯობესებას.

ვაცნობიერებთ, რომ ასეთი გარემოს შესაქმნელად ძირეული, სისტემური ცვლილებებია საჭირო; GAIM კი შეეცდება, სამედიცინო საზოგადოება მაქსიმალურად გააძლიეროს.

GAIM-ის მიზანია გახდეს სანდო აკადემიური პარტნიორი – შესთავაზოს რესურსები და შესაძლებლობები, რომლებიც სწავლისადმი მოტივაციას, ინოვაციურ მიდგომებსა და რეზიდენტების პროფესიულ განვითარებას წაახალისებს. მზად ვართ ვითანამშრომლოთ პროფესიონალებთან ქვეყნის შიგნით და გარეთ, რათა ერთად ჩამოვაყალიბოთ საქართველოში განათლებასა და ზრდის მხარდაჭერაზე დაფუძნებული სამედიცინო კულტურა.

• მტკიცებულებებზე დაფუძნებული მასალის შექმნა და გავრცელება
• რეგულარული აკადემიური შეხვედრები: დღის მოხსენება, კლინიკო-პათოლოგიური კონფერენციები
• ალგორითმების შექმნა და თარგმნა
• თვითშეფასების პლატფორმა და უწყვეტი განვითარების ხელშეწყობა
• დამსახურებაზე დაფუძნებული სტიპენდიების პროგრამა
• მენტორების ქსელი საქართველოსა და საერთაშორისო დონეზე
• პროფესიული განვითარების ხელშეწყობა და თანასწორობის კულტურის დამკვიდრება

ჩვენს საქმიანობას ხუთი პრინციპი განსაზღვრავს.

1. 1მტკიცებულებაზე დაფუძნებული მიდგომა
2. 2აკადემიური კეთილსინდისიერება
3. 3ხარისხი
4. 4დამსახურებაზე დაფუძნებული აღიარება
5. 5გამჭვირვალობა და ორგანიზაციული დამოუკიდებლობა

GAIM დაარსდა 2025 წლის 11 აგვისტოს. აკადემიას საფუძველი დამფუძნებელმა ბორდმა ჩაუყარა.

დღეს GAIM-ს 500-ზე მეტი წევრი ჰყავს – ექიმები, რეზიდენტები და მედიცინის სტუდენტები.

დამფუძნებელი ბორდი →

GAIM-ს მართავს შვიდწევრიანი ბორდი. ბორდის თითოეული წევრი ხელმძღვანელობს ერთ სამუშაო გუნდს: აკადემიური, შეფასებისა და ხარისხის, კომუნიკაციის, ლეგალური და ოპერაციული.

ვმუშაობთ მოდელით „ბირთვი + გარემო“: მცირე ბირთვი პასუხისმგებელია ყოველდღიურ საქმიანობაზე, ფართო გარემო კი მოიცავს წევრებს, რომლებიც კონკრეტულ პროექტებში ერთვებიან.

ბორდის შემადგენლობა →

კითხვების, წინადადებების ან თანამშრომლობის შემთხვევაში მოგვწერეთ: info@gaimteam.org.